2014年2月11日 星期二

好壞參半 !終極TFC空派大賞玩!!!

這編文其實已打了良久,不過一直等到出埋配件才出帖! 大家相信都TFC空派的玩評都看到悶,入同唔入已經各有打算,所以這帖以我入 了這套TFC空派,就算幾唔正,我會點玩盡佢同埋同前作建造派比較進步與否作一個 個人評核...好似講大咗...就當我吹下水啦! 前兩隻我都POST過,有興趣大可再找來看看!
鬼怪 http://www.hk-tf.com/discuz/upload/viewthread.php?tid=28796&highlight=%2B9981
鷹  http://www.hk-tf.com/discuz/upload/viewthread.php?tid=29338&highlight=%2B9981 
都沒什麼人有心機評餘下三隻,就等我講幾句啦! 首先,是我五隻中最愛!
 AV-8 海鷂 II 式攻擊機

原本我對此沒什麼感覺,不過入手後見機翼D坑,我奇怪地喜歡左佢... 可能有人唔記得,跟先前一樣都可以配上地台,十足飛機模型!
原本我對此沒什麼感覺,不過入手後見機翼D坑,我奇怪地喜歡左佢... 可能有人唔記得,跟先前一樣都可以配上地台,十足飛機模型!


其實真係完全變形,變形時就算對機翼有插粒導彈都唔洗拆,
就算變合體手都一樣(不過要裝拳頭的!)



跟鬼怪前後一影,基本上一模一樣, 不過細心睇,其實九成模件都唔一樣! 我不知道是改模還是新模,這點很得我歡心,好過FPJ,MMC改少少當一隻新~~


另一隻,F-16 戰隼式戰鬥機,也是我最討厭的一隻!
原因機翼因G1緣故有個低能V型細路仔先會畫的符號...

人型整體配色不錯,唯一一隻夾硬插粒彈當武器都型仔的一隻!


變形同之前的鷹一樣,不過細節同模具完全不同,(重復一次)
好過所謂三方龍頭又細細隻的FPJ,同慢到笑的MMC改少少當一隻新~~





打開內部坑紋不錯,
仲有心口可以打開!點解?

 因為我就係博派下代首領,等我照亮...

我高舉博派機體,
睇下連樣都變埋,
鷂:喂!到我玩啦!
鷹:呀!我都未玩完!

路人:喂!兩位小朋友!你件玩具好似係我!
鷹,鷂:哈!哈!我地係果邊執到,唔好意思!


路人:唉!又要我自己做開胸手術...你地仲笑騎騎!
鷹,鷂:微笑代表憤怒...係遺憾先?...唔好意思...




我地翻來睇第三隻主體,變了白色的黑鳥
唔少人同TFC反枱的主要疑犯,等我"法外風雲"可唔可以幫你平反..



機型完全OK!請漠視底盤..
控方:反轉,令人驚訝的真相...明顯設計不力,完全露出馬腳!
辯方:反對!就算官方都唔係設計得好啦!
控方:咁你可以揀隻肚大D機型嗎!
辯方:...G..G1所限..
控方:G你個頭!G1都唔係黑鳥啦!要跟G1又跟唔晒!
     唔用協和要改用乜機可以揀隻好D嘛!我有證人舉
     證話可以用美軍? XB-70 Valkyrie式轟炸機作為主體!
     仲有大合體個囧樣都未同你計!
辯方:...我無補充...我願意出套配件遮住個口,不過要你俾錢買...
控方:都洗濕個頭...唔通要你出翻隻用協和,加粗條腰又有翻個靚仔樣平賣麼!(我可能會買的!)
算啦!我都入得就唔介意!睇下人型啦!


人型還原G1的灰甲,
只係肥一點點,因為要收埋個大頭!

好!合體前影下兩隻機,有點可惜是黑鳥不能安上底座的,飛唔起!(雖然飛起?見到抽手腳都唔開胃...)

其實我都無評第六人,可能TFC怕俾官方告,先改用黑鳥加第六人,仲有第六人型機型同塗裝真係麻麻...唯一最有價值在於貼在黑鳥背上






 大合體完成!
我估就算有人出空派大合體玩評,都唔會好似我咁做張漫畫出來掛,
仲唔加我分!(TFC論壇玩7年之癢有獎影相,我SEND之前漫畫去,
會唔會免費送我成套霹靂星呢?XD)(過期啦!傻仔!)


合體其實手可以拉長的!


不過,齋企拉長手唔係特別好睇!
又不過,兩手各拆一隻翼,由於有方才的拉長雙關節,反而好自然做到收埋對手!
希望霹靂星設計上能保留哩點!(空派設計上要收埋對手一定有翼要拆,獸派不就...)

機翼可以係拉出手時轉位遮下醜

展開機翼,可以話係增加玩法!
全身好似厚晒!

完全卸裝!
可能大家會即刻諗到手腳頭變大了...不過,我反而即刻諗起悟空除低超重裝備...

輕到識飛~~
擺下姿勢公道講句其實都唔差!
當然無拆翼個人覺得好D
蹲下不能...似受傷多D
合體關節唔覺會自己撞自己,雖然唔期望大合體會超可動,有唔少姿勢擺唔到,
不過擺到o既姿態都好靚,以現今大合體設計可動技術方面絕對合格!


胸甲都可以動,前後放心口可以立體感強烈D

心口可以打開,唔通用來....
空派:原來我先係博派歷代第一位合體領袖?
路人:喂!你又攞我D嘢出來玩!
空派:.....哈!哈!
路人:你唔好用笑來染色,你頭先兩個細路都表達少少歉意,你做大會唔會負責任?
空派:...我地...空派係唔興代別人道歉,最...最衰都係賴低哩件o既個位,仲有你都無理由當哩到係步行黑點以後唔黎散步嫁...?
路人:博派歷代第一位合體領袖?連負責任都唔識,點做領袖?哩度咁危險重唔係黑點,有事你唔負責我點敢接近哩度?
空派:真係好對唔住!我又真係卸責...我願意作出補償來賠罪...希望你放過我...
路人:好!儒子可教也!你收歸我旗下啦!
這名路人氣度不凡,廣結豪傑,就是日後萬人景仰的偉大博派領袖"柯柏文",不過這又是另一件故事。

 空派立正!多謝亞龜鱷三世為我地提供笑料!

好啦!終於收到胸甲啦!繼續評測! 為評TFC進步與否,請埋前作破壞者出來!



有件甲真係能將原本散修修的心口,完好復原過來,先前街坊版將銀劍胸甲修改,個人認為
都無加配件咁好!因為配件有扣位,甚至連兩個會鬆出來的合體手連接位都完好扣實,算是配件其中最實用的地方,當然,如果不介意以上情況和追求G1造形,真的可以慳返二佰幾蚊!

暫時第一間三方合體廠可以換互手腳!造型其實都比想像好好多!


有點似TFC的白色正義破壞者!
空派夾建造派手腳,可能有個口罩,立時加了一份霸氣~~



 好多人唔係好鍾意大合體,收集意見,大多話條腰有問題,破壞者好似無人提個,所以
用來兩這對照一下!
 我用下身當腰,計下兩者差不多 6~6.5CM左右


用甲真係下身條褲會闊咗D!

 打直計,大家目測見都差不多!



 我自己意見係,其實唔用配件,條褲無咁闊,其他同破壞者差無幾,我大膽據我的美學經驗去推想,可能一般人會留意埋破壞者腰部個車轆,所以驟眼真係空派會無條腰...
不過,我第一眼見合體圖,都無特別感覺差,我審美觀可能較獨特,所以大家都係按自己感覺去欣賞啦!
剩低D配件都算夾硬砌到件四四正正的炮台!


話唔影幻影線,不過順手影埋啦!
併落玩都算唔錯!



最強雙鎗造型!
以下我用photoshop改大合體比例,會不會順眼多?
先前有帖研究要大合體比例好,必二擇其一放棄單體造型。個人認為凡事可能,有天終可以
魚與熊掌都能兼得。且看各大三方或孩記的進步。

 作為喜歡TFC合體的我,空派比前作建造派有否進步?依我之見沒有明顯進步,
但也沒有退步。TFC在空派這作品上最有心思的是,把腳板加支撐架,把四架飛機
 作觀賞。 但剩下的雙手等配件卻沒有在後來出的胸夾配件包上加以處理,這點很可惜。
有板友曾說空派五機的設計難度高於其他合體,會否真的設計師功力見底?
當然,我個人認為TFC已經把心思放在下一作野獸派身上,而且看來有心搶頭啖湯,
不然何解連向來有的插圖在新的獅子包裝上卻失蹤了?
TFC的野獸派獅子可動真的十分出色,希望並餘四獸會保持水準。
 最後,還是那句"主體出翻隻協和,加粗條腰又有翻個靚仔樣"就好啦!
總評︰好壞參半 !






沒有留言:

張貼留言